الرئيسيةبحـثالمجموعاتالتسجيلدخول

شاطر | 
 

 قصيدة لــــــــو نلـــعـــــــــب الكــــــــــــــــــــــورة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
غرام اطفال

avatar

عدد المساهمات : 2
تاريخ التسجيل : 14/12/2010

مُساهمةموضوع: قصيدة لــــــــو نلـــعـــــــــب الكــــــــــــــــــــــورة    الخميس فبراير 10, 2011 8:03 pm

قصيدة لــــــــو نلـــعـــــــــب الكــــــــــــــــــــــورة
لو الماضي كشف لعيوننا المستقبل بصورة
وشفنا ويش ترسم قدمنا غرّات الايامي
تغانمنا العمر قبل السنين تجفف زهوره
وغيّرنا المسار اللي قتل بالظلم الاحلامي
مسار(ن) ظلت ارواح الاماني فيه مقبوره
خذلها الواقع اللي ما بعثها جوف الاجسامي
خذا منّا الكثير ومد عقب الكره ميسوره=
وحنا كان يغرينا طموح المنزل السامي
ربينا في كنف ذيك النوايا البيض مشكورة
سقتنا من معين اخلاصها لين ارتوى الظامي
تربينا على خطة زمان(ن) قفّت عصوره
باساليب البراءة ما عرفنا زيف الاوهامي
زمان كان فيه الصدق ما يحجب على نوره
يعيش الرجل من نجدة ذراعه لو هو اعصامي
وكبرنا وانهزع غصن الرجاء وانفضّت طيوره
توارت بالخفا والحظ صوّب بندق الرامي
ولا ندري ندين الوقت ونلومه على جوره
او نلوم النفوس الين ينزف جرحها الدامي
نعيش مسلسل(ن) فيه الغموض مسيطر(ن) دوره
غريبة قصته وابطالها ضايم ومنضامي
وبين احداثها باتت خيوط النور مستورة
ولكن في النهاية لن يدوم الجهل ما دامي
تبين وانكشف زيف الغدر للي سبر غوره
وعرفنا سر موت احلامنا بيدين ظلاّمي
وسقنا العذر لانفسنا وهي لا شك معذوره
وسالمنا تحت ضغط الحياة وظلم الاحكامي
وسايرنا الزمن والكل منّا تشهق بزوره
حسايف ضيعة(ن) يبطي وجعها طول الاعوامي
فجعنا حاضر(ن) صارت به الجنحان مكسوره
عكس كل المفاهيم وشرع له منهج إلزامي
توغّل في صفوف المجتمع ثم خدّر شعوره
ونجح بمساعدة من روّجوا له عبر الاقلامي
تبنّى كل عضو(ن) غير صالح واصبح سطورة
وقصر في خطوة طوال الشبور وطوّل اقزامي
لو الماضي كشف لعيوننا المستقبل بصورة
تركنا اللي شغلنا ما عطانا الا التندامي
نعيد آمالنا فأفعالنا لو نلعب الكورة
عساها تدعم ارزاق اليدين ارزاق الاقدامي

الرجوع الى أعلى الصفحة اذهب الى الأسفل
 
قصيدة لــــــــو نلـــعـــــــــب الكــــــــــــــــــــــورة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى أهلا بكم دوت نت :: منتديات أهلا بكم :: المنتدى الأدبي-
انتقل الى: